“Stai zitta (e altre nove frasi che non vogliamo sentire più)”, ven a stâi “Stâ cidine (e altris nûf frasis che no volìn sintî plui)” al è il titul di un libri di Michela Murgia, publicât di Einaudi intal 2021. Lis peraulis de complante inteletuâl a cjapin vite sul palc intal spetacul “Stai zitta!”, interpretât di Antonella Questa, Valentina Melis e Lisa Galantini. Diret di Marta Della Via, al larà in sene par dôs seradis intal circuit dal ERT: martars ai 25 tal Teatri Odeon di Tisane e miercus ai 26 tal Auditorium Centri Civic di S. Vît dal Tiliment. Un spetacul comic e dissacrant su cetant che la discriminazion di gjenar e passe dispès propit dal lengaç. Lis “frasis che no volìn plui sintîsi dî” contignudis intal libri a ufrissin cussì la ocasion di contâ la societât contemporanie traviers une carelade di personaçs e di situazions sureâls. (A.I.) – 24.02.2025
Foto di F. Capitani
