Si intitule “Not(t)e di cinema”, (Gnot di cine, ma ancje ‘notis di cine’) il gnûf dopli apontament che la orchestre dai zovins Filarmonici Friulani, direte di Andrea Cappelleri, e puartarà te suaze di incjant dal cjistiel di Udin joibe ai 30 di Lui e sul palc de Arene Alpe Adria a Lignan il dì dopo. Un viaç musicâl progjetât par dâ vite, une note daûr di chê altre, a cualchi opare des plui preseadis de “setime art”. Chei tocs che, une volte scoltats, no si dismentein plui. Il program al instrece composizions scritis propit pal schermi grant cun tocs dal repertori classic che il cine al à doprât e mudât intun patrimoni coletîf: la ouverture di “ La gazza ladra” di Gioachino Rossini, deventade imortâl daspò di jessi stade doprade di Stanley Kubrick in “Arancia meccanica”, la elegance malinconiche des notis scritis di Nino Rota par “Il padtrino” e “La cavalcata delle Valchirie” di Richard Wagner, doprade in “Apocalypse Now”, e cetancj altris. (A.I.) – 29.07.2026
Foto di E. Falaschi
