Lis indemoniadis di Verzegnis intun cine

da Andrea Ioime

La storie des indemoniadis, lis feminis di Verzegnis che si crodeve e vessin il diaûl intor, une des storiis plui preocupantis dal Friûl dal Votcent, e torne a vivi in gracie dal cine. “Verzegnis” al è il titul dal gnûf curtmetraç di orôr diret di Daniele Nicolosi, scrit cun Giampaolo Galli e prodot Aleo Film e Metropolis Film. Il progjet al scomençarà cu lis ripresis ai 17 di Otubar in Piemont e po dopo in Friûl-Vignesie Julie, cuntune part des ripresis a Verzegnis e intes zonis dongje. Dal 1878 al 1879, in che zone de Cjargne, cetantis zovinis a scomençarin a palesâ compuartaments misteriôs che no si rivave a spiegâ: convulsions, berlis e stâts alterâts che la comunitât e interpretave come segnai di possession dal demoni. L’episodi al cjapà dentri dozenis di feminis, provocant un fuart conflit jenfri la Glesie, i miedis e lis autoritâts statâls, e si sierà cul intervent dal esercit e il ricovar di cualchidune tal Ospedâl di Udin. (A.I.) – 16.10.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui