Lis croseris di Dario Zampa

Secont apontament di Dario Zampa intal program dal circuit dal ERT 25/26. Daspò di vê viert la stagjon dai Talmassons tal Novembar dal an passât, il cjantautôr furlan al larà in sene “Crôs e croseris” vinars ai 6 tal Teatri “Italia” di Pontebe. Un spetacul scrit in lenghe furlane, che al conte lis variis fasis da storie resinte che a àn cambiât planc planc, ma in maniere inesorabil la maniere di vivi, pensâ e fevelâ dai furlans. Il titul al evoche la imagjin di une crosere che une volte e jere simpri segnade cuntune crôs tirade sù intun cjanton, par sburtâ la atenzion e prevignî i incidents. Al è in chest contest che Dario Zampa al puarte sul palc di sene, midiant di monolics e cjançons in marilenghe, la inciertece dal avignî, compagnât di Sebastiano Zorza (armoniche), Omar Malisan (ghitare), Andrea Grosso (bas), Nicola Masolini (percussions) e la vôs di Grazia Rapetti. Il naratôr al è Vielm Cisilin, il diretôr de ARLeF. (A.I.) – 05.02.2026