Lis cjançons dai fîs dal gnûf mileni

A son une vore preseâts dai zovins de “Gjenerazion Z”, che ju àn premiâts cun passe 250 milions di scoltis in rêt. Gli Psicologi, ven a stâi Drast (Marco De Cesare) e Lik Kaneki (Alessio Akira Aresu), a son nassûts tal 2001 e s son cressûts propit su la rêt, su la plateforme di musiche Soundcloud. Cuntun lengaç contemporani, a contin lis storiis dai adolessents di vuê e soredut i rapuarts cualchi volte complicâts cui grancj. Vinars ai 22 a saran in conciert te arene Alpe Adria par presentâ l’ultin album “DIY”, jessût l’an passât, e ducj chei iocs che a contin la gjenerazion dal gnûf mileni. (A.I.) – 21.08.2025

Foto di F. G. Moscati