L’infier si pues visitâ cuntun pâr di visôrs

“Nel mezzo dell’inferno” (Intal mieç dal infier), il spetacul in realtât virtuâl imersive dulà che il public, metint su’ i visôrs, al fâs un viaç inte opare di Dante Alighieri, al siere la stagjon teatrâl di Grau. La rapresentazion, par un spetatôr par volte, si tignarà di vinars ai 4 a domenie ai 6 cun turnis di 40 minûts, des 3 dopomisdì fin aes 10 sore sere, sul palc dal Auditorium “Biagio Marin”. Metût su’ il visôr, il spetatôr al sarà acompagnât di là dal mûr che al separe il “di ca” e il “di là” e lassât al so viaç, compagn par ducj inte prime part, intant che la seconde e condusarà in maniere casuâl i spetatôrs in trê lûcs selezionâts tra i ambients infernâi. (A.I.) – 03.04.2025

Dissen di M. Racozzi