L’imni dal Friûl cjantât dai Corte di Lunas

Gnove edizion pal imni uficiâl dal Friûl, che al è stât sielt tal 2018 pai riferiments ae storie, ae identitât sociâl e linguistic di dute la comunitât. “Incuintri al doman”, scrit di Valter Sivilotti (musiche) e Renato Stroili Gurisatti (peraulis) al ven presentât intune version mai fate prime: chê dal grup folk rock (o fantasy folk) Corte di Lunas, che al à za publicât cinc discs e zirât mieze Europe messedant musiche antighe, celtiche, de Ete di Mieç, folk e rock, doprant ancje struments antîcs e tradizionâi. La lôr version dal imni si cjate intun video metût in vore dal Istitût Ladin Furlan “Pre Checo Placerean”, cuntun progjet poiât de ARLeF e de Regjon F-Vj. (A.I.) – 10.04.2026