49
La associazion AUDiMuS e inmanee ancje chest an un conciert di “Notis dal Istât” in memorie di Giovanni Canciani, il pai dal museu “La Mozartina” e fondadôr de scuele di musiche de Cjargne a Tumieç. Sabide ai 5 di Lui, a palaç “Calice” a Paulâr, la orchestre AUDiMuS direte di Francesco Gioia e sunarà doi ‘divertiments’ di Mozart, bogns pe ocasion, cu la lôr atmosfere di incjant e la serenitât bucoliche. In program ancje la esecuzion di “Decima Regio, l’imni al Friûl-Vignesie Julie scrit di Canciani e donât tal 2005 ae Regjon, ma no ancjemò ‘uficiâl’. (A.I.) – 04.07.2025
