L’ideadôr dal “Live Aid” a Pordenon

Un apontament straordenari dentri dal festival blues che al è tacât a Pordenon, e che daspò de cubie di ghitariscj Steve Vai-Joe Satriani, tai dîs che a vegnin e proponarà un altri zigant de ghitare, Joe Bonamassa. Miercus ai 16, dut câs, tal parc di S. Valantin, la trentesime cuarte edizion di “Pordenone Blues & Co. Festival” e presente une serade storiche, a ingrès libar cence sore nuie: che dai Boomtown Rats, il grup irlandês dai agns Otante che al fâs 50 agns di cariere. Ae vuide al jere, e al è ancjemò, chel Bob Geldof che ai 13 di Lui dal 1985, 40 agns indaûr, al vece inmaneât il concierton benefic “Live Aid”, par tirâ su bêçs pai fruts che a murivin di fam in Afriche. Tornâts adun dome tal 2013, i Boomtown Rats a son ancjemò chei che a sunavin dal 77 al 85: Geldof, Roberts, Crowe e Briquette. (A.I.) – 15.07.2025