Leturis e musiche par Cividât

La stagjon di concierts de Orchestre di arcs Blanc e rive a Cividât par un dialic jenfri musiche e peraulis, vinars ai 10 te glesie di S. Zuan (Munistîr di S. Marie in Val). Il program musicâl sielt dal diretôr artistic (e violoncelist) Riccardo Pes al vûl onorâ la bielece dal lûc, e ancje par chest e je stade sielte une melodie di Paolin di Aquilee, “Ub Caritas”, rangjade dal stes diretôr in ocasion de fieste pai dîs agns dal ricognossiment Unesco. Lis leturis a saran fatis dal atôr Massimo Somaglino e a saran ispiradis a Cividât e ai Langobarts, cuntune sielte che e va di Pasolini e Giacomini a Paolo Diacono. (A.I.) – 09.10.2025