La liende de batarie rock a Pordenon

Domenie ai 25 al torne a Pordenon un dai plui grancj bateriscj di musiche rock di simpri: Ian Paice, une liende che al è stât un di chei che a àn fondât il grup dai Deep Purple. Un dai miôr e dai plui impuartants bateriscj de musiche rock, propit une icone! Il so stîl straordenari, la sô tecniche e la sô capacitât di savêsi adatâ a cetancj gjenars de musiche lu àn fat deventâ un esempli e un model par ducj i musiciscj. Cun di plui, al è l’ultin a jessi restât simpri intai Deep Purple, dal an de nassite, tal 1968. Al “Capitol” al sarà compagnât dai Purple Night, une “tribute band” formade di preseâts musiciscj cuntune lungje cariere, par presentâ ancjemò ducj i sucès dal grup origjinâl. (A.I.) – 24.02.2024