La 26e edizion dal Festival “L’Arlecchino Errante” e puarte in sene a Pordenon, fintremai a domenie ai 25, teatri, comedie de art, circ, danze e musiche. Il teme sielt pe edizion 2022 direte di Ferruccio Merisi al è “Re-green”, une fieste-laboratori là che i spetacui a vierzin un barcon sul ecuilibri tra umanitât e ambient. In sîs dîs il festival al ufrìs al public 16 apontaments ancje cun compagniis internazionâls e diviersis “primis” sul palc. Il spetacul che al scree il festival, martars ai 20 aes 8.45 di sere in piazzetta Pescheria, si intitule “Soil Music”: un spetacul/conciert umoristic che al dopre la tecnologjie e la eletroniche par dâ vôs ae nature, cul Duo Bagini & Carlone, o ven a stâi un scritôr e autôr radiofonic e un dai musiciscj de Banda Osiris. (A.I.) – 19.09.2022
L’Arlechin a Pordenon al è colorât di ‘vert’
117
