La vuere Israêl-Palestine contade sul palc

Un dopli apontament tal circuit ERT cun “Salām/Shalom – Doi paris”, une comedie basade sul romanç “Apeirogon” dal scritôr irlandês Colum McCann, vincidôr dal Premi “Terzani” dal 2022. L’adatament al è di Paola Fresa e la regjie e lis interpretazions a son di Massimo Somaglino e Alessandro Lussiana. La comedie e sarà rapresentade joibe ai 18 di Dicembar tal Auditorium “Biagio Marin” di Grau e vinars ai 19 tal Teatri “Italia” di Pontebe. Po dopo al tornarà tal circuit ERT par trê altris spetacui tal 2026: ai 6 di Fevrâr a Dartigne e dai dîs dopo a Sedean e a Prissinins. Il test dal spetacul al è di grande atualitât parcè che al presente une testemoneance preziose de tragjedie dal conflit in Israêl e in Palestine, doprant lis prospetivis di doi paris che a cirin di capî une realtât masse complesse par jessi osservade e judicade di une prospetive uniche. (A.I.) – 17.12.2025