Al è un dai moments plui impuartants de cuarantesime cuarte edizion des “Zornadis dal cine mut”; che si fasin a Pordenon tal teatri “Verdi” par un public di esperts e passionâts che al rive di tut il Mont. Joibe ai 9 e je previodude la proiezion di un cine dal 1918, zirât cuant che la vuere no jere ancjemò finide a pene restaurât e in anteprime mondiâl in cheste gnove version curade dal MoMA di New York: “Shoulder Arms”, par talian “Charlot soldât”, une comedie cuintri la vuere cun Charlie Chaplin, al centri de retrospetive plui grande mai fate, cun 30 titui che a rivin ancje dal archivi de famee dal atôr comic. Lis musichis dal vîf a son di Daan van den Hurk, che al e larà daûr des partiduris scritis propit di Chaplin. A vierzi la serade, un altri cine di vuere ma cuntun autôr diferent, la stele Harry Langdon, cu la proiezion di “Soldier Man” dal 1928, une altre pelicule che e conte la Vuere grande. (A.I.) – 08.10.2025
Foto: The Museum of Modern Art, New York
