La vite e je une comedie

Une comedie là che cuatri atôrs a viazin traviers desenis di personaçs, spazis e timps, contant la storie di doi personaçs leâts al mont dal cine e dal teatri. Une satire sul mont dal teatri e dal audiovisîf, ma ancje une riflession sul sucès, sul faliment e su lis parts che o vin, dentri e fûr la finzion. L’autôr Pablo Remón al presente cussì “Ciarlatani”, la comedie campion di incàs in Spagne che Silvio Orlando al à puartât in esclusive in Italie e che il Circuit dal Ert al ospite martars ai 27 e miercus ai 28 li dal Comunâl “Marlena Bonezzi“ di Monfalcon e joibe ai 29 li dal Sociale di Glemone. (A.I.) – 26.02.2024

Foto di G. Mencari