La comedie “Salve o vita!”, cul sottitul “slanci, visioni e tormenti del giovane Carlo Michelstaedter”, ven a stâi lis sburtadis, lis visions e i torments dal zovin Carlo Michelstaedter, e siere la trilogjie dedicade al zovin filosof di talent vivût a Gurize, un dai pensadôrs plui profonts, profetics e trasgressîfs de Mitteleurope. Daspò dal so esordi a Gurize, la citât di nassite di Carlo, ai 10 di Dicembar tal Centri Culturâl “Lojze Bratuž”, il spetacul al sarà presentât tal Teatri “Paolo Maurensig” di Felet ai 13 di Dicembar, part de stagjon teatrâl de Fondazion “Bon” e de rêt dal ERT dal F-Vj. Ultime repliche ai 15 di Dicembar a Triest, tal teatri “Miela”. La comedie e je produsude di Vettori Ultramondo, de Civiche academie di art dramatiche “Nico Pepe” di Udin e dal Teatri Stabil Furlan, cu la dramaturgjie e la regjie di Claudio de Maglio. (A.I.) – 09.12.2025
La vite di Michelstaedter sul palc
45
