La violiniste furlane di New York a Udin

E je a stâ di agnorums a New York, ma vinars ai 17 e sarà a Udin, la sô citât, par presentâ in conciert il gnûf album “Sparks”, vignût fûr par une etichete americane. La violiniste, compositore e rangjadore Ludovica Burtone e sarà al Cafè Caucigh, la cjase dal jazz in citât, cui tocs musicâi dal lavôr fat tant che compositore, rangjadore e leader, judade di 11 musiciscj. Un album di musiche culte e jazz, world music e spirt mediterani, che al esalte une ricercje interiôr profonde, ma che al è ancje un mût par “onorâ il gno passât e lis personis che a son deventadis la mê gnove famee, mandant ancje un messaç di inclusion e conession”. (A.I.) – 16.03.2023