La violence in Afriche, in spiete dal Docs Fest

Pe rassegne “Aspettando Pordenone Docs Fest” (In spiete dal Docs Fest di Pordenon), joibe ai 7 li dal Cinemazero al rive il cine documentari “Theatre of Violence” (Il teatri de violence), di Lukasz Konopa e Emil Langballe, che al è stât presentât in anteprime a Ferrara. E che al fronte il destin tragjic dai fruts soldâts in Uganda, che di vitimis a puedin deventâ sassins. E je la storie di un frut di nûf agns, puartât vie di un trop une vore trist di ribei in Uganda, che lu inscuele a fâ il soldât e po dopo lu fâs deventâ un comandant. Tal 2021 la stesse persone e je stade incolpade di jessi stât un criminâl cuintri la umanitât. Il cine al domande se al sedi just che chê persone e vedi di paiâ pes sôs azions o se al sedi invezit ancje lui une vitime. (A.I.) – 06.03.2024