La tradizion de musiche vienese a Udin

Ancje chest an, ai 31 di Dicembar aes 6 sot sere, il Teatri gnûf “Giovanni da Udine” al vierç lis puartis pe storiche Strauss Festival Orchester Wien, un dai grups plui cognossûts che a presentin il repertori vienês – valzs e no dome – e un protagonist di une tradizion uniche in dut il Mont. Par cheste ocasion, la diretore Shira Epstein e sunarà ancje il violin par un program di musiche vienese de ete classiche fin aes oparis de dinastie Strauss e ai mestris de oparete. (A.I.) – 29.12.2025