La storie tragjicomiche dal Teatro Incerto

Fabiano Fantini, Claudio Moretti e Elvio Scruzzi dal Teatro Incerto a laran sul palc dal Auditorium Comunâl di Çopule vinars ai 22, intun cun Martina Delpiccolo, cun “Cumbinìn, intrics e poesiis”, un recupar de serade che no je lade in sene ai 26 di Zenâr passâts. E je la storie di doi oms che a spietin un tierç di lôr par discuti e puartâ a tiermin un afâr losc: oms ambiguis, di moralitât dubie che, traviers un lengaç tragjicomic, si mostrin inte lôr meschinitât, fin che no rive la responsabile dal lûc, che e je cualchidune di tant divierse di ce che e somee. (A.I.) – 21.03.2024

Foto di E. Falaschi