La storie di Nina Simone cjantade a Codroip

La stagjon teatrâl di Codroip, inmaneade dal Comun e dal Circuit dal ERT, e va indevant. Joibe ai 19, il Teatri “Benois De Cecco al presentarà” “My name is Nina. A Portrait of Nina Simone “ (Mi clami Nina. Un ritrat di Nina Simone), un spetacul che al instrece peraulis, musiche e imagjins par contâ la storie di une des figuris plui iconichis de culture afroamericane dal vincjesim secul. Il progjet, prodot di Euritmica, al è scrit di Valerio Marchi, che al è ancje la vôs narative serade, compagnât de cjantante Graziella Vendramin, di Alessandro Scolz al piano, Romano Todesco al bas e Emanuel Donadelli ae baterie. Il spetacul, nassût e inmaneât dut in Friûl, al fâs il ritrat di une artiste straordenarie e di une femine simpri pronte a lotâ, doprant i tocs origjinâi e lis cjançons che Nina Simone e à fat deventâ famôs intai siei concierts in dut il mont. (A.I.) – 18.02.2026