La storie di Aquilee intun conciert di “metal”

Miercus ai 24 di Avrîl, li dal circul Lupus in Fabula di Nimis al sarà fat un dopli conciert dedicât ai passionâts de musiche “metal” di stîl epic. Prime a sunaran i Eonia Rise e po dopo i Aqvilea, une formazion taliane famose pe fusion dal metal sinfonic cun elements lirics e sugjestions cinematografichis, cuntun repertori che al va de mitologjie aes grandis narazions storichis. Il grup al è scoltât e preseât in 65 Paîs diferents e i siei tocs su YouTube a àn vût za passe desenis di miârs di visualizazions. (A.I.) – 23.04.2025

Foto di S. Marega