La storie dal folk inglês a Flambri

Il mulin “Braida” di Flambri (Talmassons), di pôc ristruturât, al è il lûc sielt de Regjon pal gnûf apontament ator pal Friûl “Palchi nei Parchi” (Palcs tai parcs). Vinars ai 18 e sarà une ocasion di no pierdi par scoltâ dôs liendis de storie de musiche: la cubie di vôs e ghitare formade di Jacqui Mcshee & Kevin Dempsey, doi nons che ogni passionât di folk inglês al cognòs plui che ben. Jê e je stade la vôs dai Pentangle, un grup che tal 1969 al à inventât un sunôr unic, lui al jere la vôs e la ghitare dai Dando Shaft, un grup “di cult” ma cuntun sunôr cetant origjinâl. (A.I.) – 17.07.2027