La storie dai pianos nassûts a Sacîl

Si intitule “Dal sogno al suono” e si cjatarà dai 16 di Dicembar, dome su YouTube, il documentari di Francesco Guazzoni e Alessandro Pasian ambientât inte aziende Fazioli, la cjase di pianos di innomine mondiâl, cun sede a Sacîl. Al centri de storie, il procès di restaur di un piano storic de Fazioli tornât a Sacîl di Taiwan – il prin model F308 mai costruît -, par celebrâ i 40 agns de Fazioli Pianoforti, che a vegnin contâts traviers lis testemoneancis di cualchi personaç che al à vivût o al vîf la storie, o che al à dome cognossût e condividût il valôr. E je la storie di un om, Paolo Fazioli, il plui zovin di sîs fradis, che al veve l’insium di costruî pianos par passion. La fabriche e nas a Sacîl, in lûcs dulà che la lavorazion dal len e je une tradizion prestigjose, intun cjanton de fabriche di mobii di famee. I ambients dismetûts de vecje fabriche a son il senari pai ricuarts. (A.I.) – 15.12.2022