La stagjon de sinfoniche F-Vj si siere cul imni pe Europe

Un grant conciert finâl par “Io Sono Sinfonica!”, Jo o soi Sinfoniche, la prime stagjon di concierts de FVG Orchestra, cuntun imni pe Europe che al siere in mût simbolic l’an di “GO!2025”: un event unic pal Friûl, cun Gurize e Gnove Gurize capitâls europeanis da culture. La stesse Gurize e da acet al conciert tal teatri “Giuseppe Verdi” domenie ai 21 cu la novesime sinfonie di Beethoven, une des oparis mestris assoludis de musiche di simpri, une opare che e je un simbul de culture europeane e, tal stes timp, un pont impuartant tal viaç artistic di ogni musicist. Sul palc di sene, dongje de orchestre regjonâl direte di Florian Krumpöck, il pianist e diretôr austriac di innomine internazionâl, a saran la Corâl dal F-Vj, la sopran Annamaria Dell’Oste di Udin, la mieç sopran Mariangela Zito, il tenôr Antonio Mariecani il bas Davide Procaccini e la Corâl da Conciert di Maribor. Chest event di grant valôr artistic e simbolic al siere la prime stagjon di “Io Sono Sinfonica!”, cinc concierts che a àn cjapât dentri musiche classiche, jazz e oparete, che a son stâts un grant sucès. (A.I.) – 20.12.2025