La stagjon dal jazz e torne a tacâ di Spilimberc

Daspò di un Istât plen di apontaments ancje pe musiche jazz soredut tai cjâf lûcs, cun cualchi rassegne aromai storiche, la musiche di improvisazion cussì preseade e sunade in regjon e rive in “provincie”. La Sierade e je di simpri la stagjon di un pâr di rassegnis internazionâls, soredut sul teritori. Di joibe ai 11 e fint a domenie ai 14 di Setembar, par animâ il cûr di Spilimberc e torne pe seconde volte “Jazzinsieme”, inmaneâ de associazion Bues in Villa. Di là dai concierts tes ostariis dal centri, sul palc di place Garibaldi (o tal teatri “Miotto” se al plûf) a sunaran il cuintet Eurospace Station di Gaspare Pasini, cun musiciscj innomenâts tant che Ares Tavolazzi e Massimo Manzi, il gnûf progjet elettrojazz Eklektik dal pianist Antonio Faraò e l’american Dean Bowman, compagnât pal repertori gospel e blues di un grup di sunadôrs talians, cul furlan Rudy Fantin al orghin. (A.I.) – 09.09.2025