La Sinfoniche de Universitât dal Friûl e torne a tacâ

A tornin a tacâ i concierts de Orchestre sinfoniche de Universitât dal Friûl, direte tal tant zovin Leonardo Grimaz. I events si davuelzaran sabide ai 2 aes 6 dopomisdì inte Glesie dal Redentôr a Udin e domenie ai 3 ae stesse ore inte Glesie di S. Francesc a Pordenon. Il program al cjape dentri musichis di Mozart e di Gounod. Nassude tal 2019, la Orchestre sinfoniche e met adun insegnants, impleâts aministratîfs, students e laureâts de Universitât, dispès a son musiciscj formâts tal conservatori, che po dopo a àn cjapât stradis diferentis. Une realtât aromai insaldade, che si met a flanc de formazion corâl, za dentri de Universitât furlane. (A.I.) – 01.03.2023