La setemane de ghitare a Pordenon

Daspò dal sucès dai events de Vierte passade, la decime prime edizion de “Segovia Guitar Week”, la setemane de ghitare, e torne in voghe su la sene musicâl di Pordenon. Nassude de passion dal grup artistic de Academie di ghitare “Segovia” di Pordenon, cul supuart de cooperative Polinote e de Regjon Friuli-Vignesie Julie, dal Comun di Pordenon, de Fondazion Friuli, e di altris colaboradôrs internazionâi, la setemane de ghitare e scomence joibe ai 20 intun lûc storic de provincie: il Cjistiel dai Princips di Purcie. Intes cjantinis di cheste antighe residence nobiliâr, la vôs de atore Carla Manzon e darà gnove vite al test manuscrit dal Cont Jacopo di Purcie, l’ilustri avon de Cjase, che al sarà in dialic cu lis ghitaris di Josué Gutierrez e Alberto Spada. Sabide ai 22 tal Ex Convent di S. Francesc a Pordenon, che al è simpri stât il lûc de plui part dai events dal festival, la ospite e sarà Carlotta Dalia e domenie ai 23 la rassegne e sierarà cul zovin musicist inglês Tom Hodgkinson. (A.I.) – 19.11.2025