La ricercje de felicitât pai arlêfs de “Nico Pepe”

Gnûf spetacul de academie civiche di art dramatiche ‘Nico Pepe’ di Udin, che al debute joibe ai 3 al Palamostre e in repliche il dì dopo. In “L’uccello celeste”, gjavât dal test dal belghe Maurice Maeterlinck, i arlêfs atôrs de academie a dan vite a une flabe teatrâl che e conte la ricercje de felicitât. “ L’uccello celeste, rapresentât pe prime volte tal 1908 dal regjist rus Konstantin Stanislawski – al sclarìs il regjist dal spetacul, Claudio de Maglio – al esprim la fiducie otimistiche intes capacitâts dal om che, in graciis de reson e de volontât, al pues vinci la soference e la pôre, e deventâ cussì partecip de fuarce misteriose che e vuide dut l’univiers”. (A.I.) – 02.11.2022