Un progjet impuartant al è stât in vore inte seconde stagjon dal Teatri gnûf “Giovanni da Udine”, firmade dal diretôr artistic Paolo Cascio. La Orchestre Mozart direte di Daniele Gatti e je stade ospitade tal teatron di Udin par un program di residence. La esperience de orchestre, fondade di Claudio Abbado tal 2004, cui sunadôrs principâi des orchestris internazionâls plui prestigjosis e zovins talents di dute Europe, si siere miercus ai 3 di Dicembar cuntun conciert une vore spietât. Cheste prime nazionâl e puartarà i scoltadôrs intun viaç ae ricercje des lidrîs dal neoclassicisim musicâl, che al va di Stravinsky a Prokofiev, culminant cu la cuinte sinfonie di Ludwig van Beethoven. Prime dal conciert e sarà fate une prove vierte pes scuelis aes 10:30 di buinore e di dopomisdì aes 6 une lezion dal musicolic Gaston Fournier-Faci. (A.I.) – 02.12.2025
Foto di M. Borggreve
