La orchestre dai zovins di Abbado e torne in Friûl

Valutade la plui prestigjose farie di talents orchestrâi dal continent, la Gustav Mahler Jugendorchester e torne a Pordenon martars ai 2 e miercus ai 3 di Setembar pai doi concierts dal sô tour dal Istât, preparât propit tal teatri “Verdi”. La orchestre dai zovins fondade di Claudio Abbado e je stade in residence artistiche a Pordenon pe decime volte. Daspò di ve sunât in cualchi grande capital de musiche de Europe – di Salisburc a Dresde, di Amburc a Amsterdam – i concierts a rivin in regjon cun dôs seradis sinfonichis che a presentin dôs stelis internazionâls: l’innomenât diretôr austriac Manfred Honeck e il violinist Renaud Capuçon, che al sune un strument storic dal 1737. Il prin conciert al presente musichis di Erich Korngold, un dai ultins erêts dal romanticisim di Vienne, che al è ancje lavorât a Hollywood, cjapant doi premis Oscar. La seconde serade e previôt invezit musichis di Mozart e Bruckner. (A.I.) – 01.09.2025