La opare al viert a Puçui: ultime repliche

Ultime repliche, martars ai 6 di Setembar, aes 8 di sere a Puçui, in Vile Gradenigo Sabbatini, par “Un ballo in maschera” (Un bal in mascare), drame liric in trê ats di Giuseppe Verdi su libret dal udinês Antonio Domma. Il spetacul al fâs part dal “Progetto Verdi”, organizât di Operaprima-Wien, une associazion musicâl che dal 2018 e propon, e organize e e fâs progjets di oparis lirichis dal melodrame talian in Friûl Vignesie Julie, in cooperazion cun la Pro Loco di Puçui e Folkest, par la direzion artistiche di Tiziano Duca. Di nivel internazionâl il cast dai soliscj inte opare al viert: il tenôr argjentin Gustavo Porta, il sopran american Kristin Lewis, il bariton italo-svedês Marco Stella, il sopran Shoushik Barsoumian e il mieç sopran Sanja Anastasia. (A.I.) – 05.09.2022