La “Nico Pepe” e torne a Casablanca

La civiche academie di art dramatiche “Nico Pepe” di Udin e je stade invidade ancje chest an ae Setemane de lenghe taliane inmaneade de societât “Dante Alighieri”, comitât di Casablanca, in colaborazion cu Consolât Gjenerâl de Italie. I arlêfs atôrs e lis arlevis atoris a laran in sene cul spetacul “ Les histoires magnifiques pour rester vivant” (Lis storiis maraveosis par restâ vîfs), cu la regjie e la dramaturgjie di Claudio de Maglio. La rapresentazion si fasarà vinars ai 17 di Otubar tal teatri dal consolât de Italie a Casabanca. Il spetacul, inspirât a doi tescj cence timp, “Il Decamerone” e “Le mille e una notte”, al jere za stât presentât cun sucès al festival internazionâl di scuelis di teatri, che si jere tignût a Casablanca tal mês di Lui e al vece cjapât doi premis: miôr spetacul e miôr regjie. (A.I.) – 14.10.2025