Un conciert sospindût jenfri cîl e tiere, là che la architeture, la nature e il sunôr si fondin intune uniche esperience sensoriâl. Al è il spirt dal gnûf apontament di “More Than Jazz”, in program vinars ai 18 te suaze dal Vigne Museum di Rosacis, dongje de Badie in Comun di Manzan. A sunâ “Suspendus entre Terre et Ciel: Sons d’Innovation”, doi grancj nons de musiche contemporanie, Michel Godard – che al sune un ‘grant sarpint’, un strument a flât une vore antîc – e il vibrafonist Pasquale Mirra, pe prime volte sul stes palc cuntune “suite” mai fate prime, pensade par dialogâ cul spazi dal Vigne Museum, une opare di art ambientâl tes vignis de culine. Il conciert al è a ingrès libar cence sore nuie, ma daûr prenotazion. (A.I.) – 16.07.2025
Foto di L. Vitale
