La musiche dal Sietcent cu la Academie Arrigoni

Un viaç musicâl tra Sietcent e Votcent al scree martars ai 19 la Stagjon di “San Vito Musica”, proponude de Academie di arcs “Arrigoni” di S. Vît dal Tiliment, cun diretôr artistic Domenico Mason. “Musica a Berlino per la Corte di Federico il Grande” al è il titul dal conciert, che al viôt sul palc dal Teatri Arrigoni la orchestre de Academie direte di Federico Guglielmo, violin solist e diretôr. Il viaç musicâl al tache des oparis par arcs di Johann Gottlieb Graun, compositôr dal ‘700 che propit la Arrigoni e Guglielmo a àn riscuviert di pôc e puartât al grant public in graciis de produzion e publicazion di un Cd de bande de storiche riviste Amadeus. (A.I.) – 18.09.2023