A son passâts trente agns de jessude dal album “The Division Bell” e il tour che al jere vignût dopo e al è stât chel cu la jentrade plui alte inte storie de musiche rock, sunant devant di passe cinc milions di personis in 68 citâts e segnant il finâl epic e la ultime pagjine scrite di un dai grups rock plui impuartants di simpri te storie. I Big One, un dai grups plui europeans innomenâts di chei che a fasin rivivi la musiche dai Pink Floyd, a àn preparât un grant spetacul par celebrâ dut chest intal lôr “Pulse Tour”, dal titul dal album dal vîf jessût propit trente agns indaûr. Sabide al prin di Fevrâr a saran tal Auditorium “Concuardie” di Pordenon cuntune tape dal lôr conciert multimediâl. (A.I.) – 31.01.2025
La musiche dai Pink Floyd trente agns dopo i ultins concierts
41