La musiche dai Pink Floyd cuntune orchestre

da Andrea Ioime

Pe prime volte a Udin, joibe ai 7 tal Teatri gnûf al rive “Atom Heart Mother”, il conciert event dai Pink Floyd Legend, i unics a puartâ ator la version integrâl dal album dai Pink Floyd lant daûr de partidure origjinâl. Tes cuasi trê oris dal conciert, che al à vût un grant sucès dapardut, dongje de interie esecuzion de famose suite, il grup al fasarà sintî ancje i tocs plui famôs de storie dai Pink Floyd, cun lûs e videos de epoche, bogns di ricreâ il sens di “spetacul totâl” dai concierts dal grup origjinâl. A compagnâ la bande romane, la Legend Orchestra e il Legend Choir, formât pe ocasion de Academie musicâl Naonis di Pordenon e de Corâl dal Friûl-Vignesie Julie. (A.I.) – 06.03.2024

Foto Sound&Lite

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui