Si scree la domenie di Pasche la decime seste edizion di “Musiche di sconfine”, la rassegne musicâl transfrontaliere inmaneade de associazion DobiaLab di Staranzan. Un event che al dâ vôs a zovin artiscj di Italie e Slovenie, metûts dongje di chei plui esperts che a vegnin di dut il mont, e che a sunin gjenars diferents. Il fin dal festival al è il stes di GO!2025: doprâ la musiche par butâ jù i confins e meti dongje lis culturis massime pai zovins sot dai 35 agns. Siet i apontaments dai 20 di Avrîl fint al mês di Lui, a Segrât, Gnove Gurize, Gurize, e Tolmin. Si tache a Staranzan, la sede di DobiaLab, une farie di creativitât che e ve indevant di agnorums, cun trê grups internazionâls dal dopomisdì, sunant musichis ‘indipendentis’, dal punk ae eletroniche, in colaborazion cuntun altri festival, “Free Form Music Impulse”: Angélica Castelló & Jérôme Noetinger, une cubie messicane e francese, i ongjarês Károly Paszternàk & A Légköri Jelenségek e i americans Wolf Eyes. (A.I.) – 19.04.2025
Foto di J. Rijk
