La jazziste furlane e cjante Joni Mitchell

“Joni… beyond Blue” al è il titul de tierce serade di “San Vito Jazz”, che si davuelzarà tal Teatri sociâl “Arrigoni” di S. Vît dal Tiliment sabide ai 21. Il festival, diret di Flavio Massarutto e promovût dal comun e dal circuit dal ERT, fâs un tribût a Joni Mitchell cuntun conciert creât in mût specific pe rassegne de bande de cjantante jazz Lorena Favot, sul palc cun Massimo Zemolin ae ghitare, Rudy Fantin al piano, Ermes Ghirardini ae batarie e Nevio Zaninotto al saxofon. Une figure centrâl te musiche dal vincjesim secul, Joni Mitchell e à vût un percors artistic unic e simpri in evoluzion. Il titul dal conciert al fâs riferiment a “Blue”, l’album dal 1971 considerât un dai miôr de stofie de cjançon di autôr, un lavôr intim e rivoluzionari che al à marcât une ete. (A.I.) – 20.03.2026