La grande opare e torne a Udin cuntune produzion fate in regjon, a Triest, dal Teatri liric “Giuseppe Verdi” cu la sô orchestre, la corâl e i tecnics. Daspò dal grant sucès de stagjon passade cun “La Traviata” e “Rigoletto”, la trilogjie popolâr di Verdi si siere cu la prime esecuzion tal Teatri gnûf “Giovanni da Udin” dal “Trovatore”, sabide ai 14 di Març. Il drame liric in cuatri parts cul test scrit di Leone Emanuele Bardare e Salvadore Cammarano, in sene pe prime volte a Rome tal 1853 – e dome dîs mês dopo ancje a Triest! -, “Il Trovatore” al è gjavât fûr de opare cul stes non di Antonio García Gutiérrez: un lavôr penç, siôr di emozions, amôr, asse, vendete e dûl. I temis centrâi a son il podê, par sigûr l’amôr, ma ancje il razisim e la superstizion. La direzion e je dal spagnûl Jordi Bernàcer; la gnove produzion francês fate tal 2023 dal regjist Louis Désiré e tire dentri par la sielte di une atmosfere dramatiche simpri scure di fonde. La cubie di inamorâts disgraciâts e je interpretade dal tenôr Yusif Eyvazov, che al ven dal Azerbaigjan, e de sopran Anna Pirozzi, sul palc cuntune ventine di altris vôs, ancje de regjon (Daniela Barcellona, Andrea Binett…i): dutis stelis de liriche. (A.I.) – 13.03.2026
Foto di F. Parenzan
