La frontiere e devente un grant palc

Il prin festival internazionâl di danze contemporanie transfrontalîr si fâs a Gurize e Gnove Gurize dal 2020, prime ancjemò de capitâl europeane de culture. Nassût di une idee di Artisti Associati, “Visavì Gorizia Dance Festival” al dopre propit il confin che une volte al jere “fisic” par meti lis dôs citâts a cjalâsi une devant di chê altre, “vis-à-vis” par francês. La frontiere storiche e devente un spazi condividût, un palc naturâl ma ancje un model par un Mont diferent, cence frontieris, là che il mûr al è deventât une place di traviersâ e condividi. Il diretôr artistic al à sielt compagniis e artiscj di ogni bande e di nazions diferentis, ufrint une schirie di spetacui che si davuelzin di lunis ai 6 e fint ai 19 di Otubar, ma cui oraris e i lûcs sielts e incjastrâts par permeti a ducj di viodi ducj i spetacui. I ospits a son une vore, innomenâts e dispès cuntune propueste in “prime” taliane. (A.I.) – 06.10.2025