La flabe di Oscar Wilde par furlan

Joibe ai 7 inte Vile de Brandis di S. Zuan dal Nadison, aes 5.30 dopomisdì, si tignarà la presentazion de traduzion par furlan de conte “Il principe felice” di Oscar Wilde, “Il princip feliç”, voltade in lenghe furlane di Alessandra Kersevan, cun leture dal vîf de atore Aida Talliente. Flabe par adults e fruts di dutis lis etâts, che Oscar Wilde al à scrit intal 1888 pai siei fîs, e je une storie di amôr, di solidarietât, di lealtât, di compassion e di gjenerositât. Publicade tant che audiolibri de Nota, e à dongje de vôs di Aida Talliente i dissens di Anna Pontel e lis musichis di Massimo Gatti. (A.I.) – 06.11.2024