Daspò dal sucès de prime serade, miercus ai 5 aes 6.30 sot sere al torne te Galarie “Tina Modotti” di Udin “Dance Machine”, che al fâs part dal articolât program de gnove edizion di “Off Label”, la rassegne par une gnove danze inmaneade de compagnie Arearea, inte suaze dal progjet “Arearea Dance Library”. Fat in colaborazion cul Comun di Udin, “Dance Machine” al trasforme la galarie intun contignidôr culturâl polifunzionâl, viert a ducj e a dutis. Si trate di un dispositîf di improvisazion interatîf, une ‘roulette’ artistiche di temis e di danzadôrs che a vignaran clamâts in maniere casuâl a balâ, devant di un public cjapât dentri in maniere ative. Lis spetatoris e i spetatôrs a viodaran in sene, intune cui danzadôrs de compagnie, ancje Daniele Bonini al piano. (A.I.) – 04.02.2025
La danze e torne a jentrâ inte galarie di art
38