La danze e fâs fevelâ sience e filosofie

Une gnove creazion su la complessitât biologjiche de vite. Une investigazion coreografiche là che l’autôr, cu la colaborazion di un grup di sienziâts di gjenetiche, al fâs dialogâ sience e filosofie metint in secuence il so gjenome complet. Joibe ai 8 il Teatri “Verdi” di Gurize al ospite une des trê datis talianis dal tour di “Autobiography” de Company Wayne McGregor, un spetacul di bielece magnetiche che al celebre la danze. Wayne McGregor al è une des figuris di ponte de danze contemporanie, che al à contribuît a ridefinî fin insot cun inovazions pionieristichis. Intal so gnûf spetacul, il codiç gjenetic, la inteligjence artificiâl e la coreografie si fondin intune opare che si imagjine e si riprodûs di gnûf ogni sere, contant ce che e je al dì di vuê une societât multietniche. (A.I.) – 05.02.2024