La danze dai robot a Gurize

Il finâl de Marcje pe Europe a Gurize al sarà un spetacul di danze e robotiche: “Borderless Body – Inferno”, firmât di MN Dance Company e Zavod Kersnikova, che al puartarà i spetatôrs intune vision dal avignì. Un spetacul mai viodût prime te nestre regjon, cun doi artiscj internazionâi dal setôr de robotiche, che adun cun cualchi volontari dal public a fasaran une danze sincronizade, doprant struturis compagnis a chês dai robot, in forme di esoscheletri. Bill Vorn e Louis-Philippe Demers a invidin cul spetacul a rifleti in forme critiche su la societât tecnologjiche, che e riscje di mudânus in pipinots tecnologjics. (A.I.) – 08.05.2025