Un dopli apontament in regjon cun “Alimentire”, il gnûf spetacul de atore comiche Arianna Porcelli Safonov, che dal 2010 e lavore intal teatri cun progjets di comicitât ‘sociâl’. Il spetacul al è dedicât “al berdei là che si è ficjade la alimentazion: chel di deventâ une tindince ‘di mode’…”. Tacant dai tescj di Michael Pollan, il monolic al è une cumbinazion divertente di storiutis su lis ossessions pe cusine gourmet e sul vêr valôr de mangjative, salvantlu di cui che al cusine e sclarintlu a cui che al volarès mangjâ ben, cence scoltâ masse i esperts. Apontament martars ai 4 li dal Auditorium Concuardie di Pordenon e miercus ai 5 tal “Palamostre” di Udin. (A.I.) – 03.02.2025
La cusine: une ossession
53