La corâl di Caprive in Basilicade

Trasfierte in Basilicade pal Freevoices Show Choir de associazion InCanto di Caprive. Il grup, diret di Manuela Marussi, al sarà ator dai 2 ai 6 di Avost e al tignarà doi concierts a Gallicchio, borc storic de provincie di Potence, e a Viggiano, une des citâts plui musicâls di Italie, cognossude pe sô lungje tradizion leade ae musiche popolâr e, in particolâr, ae costruzion di arpis. Al va indevant duncje la ativitât fûr regjon dal complès dal Lusinç, che al sarà acompagnât dal sindic di Caprive, Daniele Sergon, e sul palc de violiniste Laura Grandis, di Gianni del Zotto (piano), Francesco Pandolfo (percussions) e Riccardo Pitacco (bas). (A.I.) – 31.07.2023