Un invît di ecezion, dopo lis tantis colaborazions internazionâls, pe Corâl dal Friûl-Vignesie Julie, une ecelence musicâl e culturâl de nestre regjon. La Orchestre Filarmoniche di Montecarlo, calcolade de critiche specializade tra chês plui innomenadis a nivel european, e à clamât la corâl regjonâl pal conciert dal titul “Mozart à Monaco”, in program lunis ai 27 (il dì dal complean dal gjeni musicâl) inte Cathédrale Notre-Dame – Immaculée de Monaco. Direts di un diretôr talian tant zovin, Diego Ceretta de Orchestre Regjonâl de Toscane, a sunaran inte catedrâl monumentâl cun plui o mancul dôs mil cjandelis piadis. (A.I.) – 27.01.2025
La corâl dal F-Vj a Montecarlo
55