La conte premiade di une partesane

Joibe ai 8, il Teatri “San Giorgio” di Udin al presente ““Prima che la luna cali” (Prin che la Lune si sbasse), une rapresentazion teatrâl in forme di leture cun Martina Delpiccolo e Fabiano Fantini. La rapresentazion e fâs part dal progjet de ANPI “Conoscere per resistere”, Cognossi par resisti, che e va indevant fin tai 14 di Zenâr tal centri “Balducci” di Çuian e in diviersis scuelis di Udin. La storie e je l’esordi di Bruna Sibille-Sizia, che tal 1946, cuant che e veve dome 19 agns, e à vinçût il prin premi tal concors leterari e artistic inmaneât dal Comitât Provinciâl di Udin dal Fronte della Gioventù. L’an dopo, la storie e fo adatade intune intun at unic pal teatri che al vincè un premi inte competizion provinciâl pe Fieste dai Zovins di Praghe de bande di une jurie che e cjapave dentri ancje Pier Paolo Pasolini. (A.I.) – 07.01.2026