La conte dal atôr: metât confession, metât insium

Daspò dal so esordi a Grau e lis sôs datis a Triest, Alessandro Haber al sarà une altre volte ospit dal circuit dal ERT F-Vj par dôs seradis cun “Volevo essere Marlon Brando”, il spetacul basât su la sô autobiografie cul stes non scrite cun Mirko Capozzoli, martars ai 9 tal auditorium “Alla Fratta” di S. Denêl e miercus ai 10 tal “Aldo Moro” di Cordenons. Dut al tache cuntune vôs, une clamade sureâl che e comande un cont al ledrôs al atôr: une setemane par meti in ordin la sô vite, i siei ricuarts, lis sôs bramis, prime di un incuintri inevitabil. Di chest pont di partence ironic, poetic e uman fint insom e nas une storie teatrâl a metât strade jenfri confession e insium, realtât e imagjinazion, ricuarts e visions, ironie e malinconie. (A.I.) – 09.12.2025